Egile berarenak:
ZAILLA DA GIZON IZATEA
(1973)
KEZKATI
(1974)
ZERBAITEN BILLA
(1974)
ITXAROPENA
Martin Iturbe , 1973
Argia erantzi du egunak,
illunez jantzi da gaua.
Illargiaren agintea...
ez da eguzkirik...
Nagusirik ez-ean
morroitxoak
ari dire
argi-lanean.
Txikiak dire, ta,
asko diren arren,
argi gutxi dariote
begi ikuslearentzat...
Illuna da gaua;
bera bakarrik, ordea,
argiaren atari.
Argiz lertuko da gaua
«egun» dedinean.
Egin oju,
deiadar egin
etsiaren mirabeei!!
«Ez da illunpe osorik,
argia datorke nagusi»!!
Agortu bedi malko-iturria,
lasaitu biotz larria!
Pakea da
burrukaren Erregiņa,
atsedena
nekearen gaillurra.
Pozak
negarra bait-du atari,
egunak, gaua.
Sari-aleak
lana du lore...
Gauaren maiztarrak
eguna dezake jabe.
© Martin Iturbe
| anonimoak |
| mendeak |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |