—3-XVII—

        Beatriz Chivite , 2022

Ile solte kizkurrak

banan-banan

erortzen dira

lauza horiko zorura

egunak aurrera doaz

eta Islandiako errepide batean

galdutako turistek bezala

ezagutzen dute elkar ileek

besarkatu egiten dira

hautsez estali

eta pixkanaka

gelan zehar bidaiatzen duten

bola mugikorrak sortzen dituzte

nire ohetik

zoriontsu begiratzen ditudalarik

no, nire erorketetatik

nire galeretatik

nire aldaketetatik

sortutako

ene seme-alabak

noraino helduko zarete

zuek guztiak?

© Beatriz Chivite