A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

FIN DE SIECLE
      (1994)

ARGI BILA
      (1994)

ESKALEAK
      (1994)

 

NIK ERE

        Karlos Zabala , 1994

 

 

Nik ere idatz ditzaket

        bertsorik itunenak

                gau honetan

 

Txori bat neguan guztiz hoztuta

habia bati arrimatu eta

        berarentzat tokirik ez duela ediren

                esan dezaket

 

Orhi mendian ekhia bero!

 

Enrico Carusok Tosca-ren aria bat kantatu du

    New York-eko diruetxe batean

  sinadura ez baitio ezagutu

    leihatilako kutxazainak

 

Eta Natalia judua zinc-izarra izan nahi zuena

        gas kamaran ito dute.

        Haren heriotzea gordetzen duen filmea

        bart jarri dute Israelgo telebistan

 

Txakur handiz erosten ahal diren koilareak

        gezurrezko perlez eginak dira

orkatileetan, eskumuturretan, perlak

        gezurrezko perlak, gerrian, lepoan

 

Bertsorik itunenak

        idatz ditzaket

                gau honetan

                        nik ere

 

Habian tokirik ediren ez eta

        hotzak hil duen txoriari

           eskain diezaioket kanta bat,

             konparazio batera,

                Oihenartek ez baitzuen egin.

 

© Karlos Zabala    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko