ABCDEFGHIJKLMNOPRSTUVZ


armiarma

 

Egile berarenak:

 

GAU LODIA
      (1965)

TREN BELTZA
      (1997)

EREMUETAN
      (1997)

  literaturaren zubitegia  

 

 


Hasierako orrialdera

 

 

JOANAZ JOANEAN

        Luis Mari Mujika , 1978

 

 

Joanaz joanean,

(ibiliz ibili),

bidean dut ezagun

aldi hau dela aldi,

bide hezean nik mila

joan da etorri,

aldiaren zentzua

ibiliz dut soilik,

ah, ni beti nabila

nahiz egon, nahiz geldi!

 

Bidearen ondoren

nik nahi berritzuli,

bizi hontan orainak

joana dirudi,

joana da joana

nahiz egon, nahiz ari,

(ah, nire bide egina

berbide baledi!),

nolatan ibai beltza

mendiruntz itzuli,

lizar gorrien pena

eginda garraisi,

asmo gaitz-eutsezinak

 

tormentugai zaizkit,

aldiaren lasterra

ezin gerarazi

(esan, negu okre hau

uda nola itzuli!),

ardo harro-gaiztoak

gaur dirade ur isil,

piztien begi gaitzak

sagar ustel egin,

oro alferrik bada

zergatik ahalegin?

 

© Luis Mari Mujika    

anonimoak

 

mendeak
15
16
17
18
19
20
21

 

poemen
aurkibide
alfabetikoa