A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

GURE ETXEGIBELEKO HARITZA
      (1960)

PRESUNER OHIAK
      (1961)

PRIMADERA BIHOTZEAN
      (1962)

DOLOREZKO IZARRAK
      (1965)

AMODIO GALDUA
      (1969)

  literaturaren zubitegia  

 

NORI EZ?

        Manex Erdozaintzi-Etxart , 1971

 

 

Egunaren asteri bustian

Lanetik etxeratekoan

Karrika izkineko ostatuan

Lagunak biltzen direlarik

Nori ez zaio atsegin

Lagunen irria eta solasa eta kantua?

 

Nori ez zaio deskantsu leku

Lagunen bihotz barea?

Eta nori ez

Zaio gertatu

Gauazko etxerateko bidean

Laneko, familiako, gizarteko

Ordu banatuak

HAUSTEA

Solasaz, irriaz, kantuaz?

 

Jeikitzeko ordua

Apairu orduak

Lanekoak

 

Asteko egun banatuak

Ilabeteak eta

Urte kundatuak

Sortzetik hitzerainoko

Ilabete eta urte

Mugatuak...

Nori ez zaio atsegin

Pusketan ahanztea

Bizia hurrupatzeko

Bere sakontasunean

Eta hedaduran

Eta gozoan

Izerditan eta lilluran?

 

Egunaren asteri bustian

Gauari buruz

Ixiltzen direla inguruko azantzak

Eta karrikako harrabotsak

Otoen burrunbak

Jendarteko oihuak

Denbora puskatua

Ahanzten delarik

Denbora bilduan

Iragana, oraina, geroa

Lagunen solasean, irrian, kantuan

Murgiltzen direlarik...

 

NORI EZ

ZAIO ATSEGIN

BIZIAREN IZERDIA?

 

© Manex Erdozaintzi-Etxart    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko