OROITZEN DUDANA

        Karlos Linazasoro , 2012

Jada

oroitzen dudana

naiz soilik.

Egina nago, osoro hezur eta elur,

                              malko eta izpi,

kolore, ezintasun, gorputz, arrastiri,

                      ezpain.

Ez naiz gehiago izanen seme,

ez naufrago inorengan,

ez zuhaitzago basoaren geometrian.

Hemen dago naizen guztia,

eta ez dut artean harrapatu hitz baten

                                                                          bularra,

dirdai baten biluztasuna,

euriaren mami argitsua.

                                  Nork maite nau hain koldar,

                                          hain nekaturik,

                                          hain zauriturik

                                                                        umezurztasunean?

© Karlos Linazasoro