Egile berarenak:
EUSKALDUN GUDARIAK
(1905)
MUTIL BATEN ABADEGEITUTEA
(1910)
AIKO ANTOJAGARRIE!
(1927)
ERDEREA TA EUSKEREA
Paulo Zamarripa , 1905
Erdal-errian bizi naz orain,
Erderearen lurrean.
Ementxe nago: Salamankako
uri erdalzale zarrean.
Ementxe nabil, Euskera Amatxu,
erdaldunakaz batean.
Erderea dantzut abo danetan
emen zatean-zatean;
ta ezta mirari, bizi naz bada
Erderearen Etxean.
Erderea entzun bear dot, emen
bizi nazan bitartean,
Erdal-erria Euskal-erritu
egiten eztan artean.
Erderearen otsak dantzudaz
asko ta alkarren atzean.
Bere durundu gogorrak dabiltz
belarriaren ertzean...
Nayago dodaz, Amatxu, zeure
otsak, ots onen aldean...
Baņa... mirari al da entzutea
Erderea erdaldun-lurrean?
Oituta gagoz entzuten, bai! bai!
euskaldun-leku danean
Erderea gora Erderea bera,
ta euskaldun askon artean
dantzugu euskera erderaztua,
euskera erderaz nastean,
euskera bako erderea eiteko
modurik eztagonean.
Or baņo zori obagoa dozu,
Ama Euskera, emen urrean.
Or Erdereaz yosten zaitue,
ta emen guztiak bakean
isten deutsue,... berbaille danak
erdera egiņik utsean.
* * *
Erderea emen Euskerea barik
ikusten dodan antzean,
ikusi nai dot, anai maiteak,
Euskerea bere lurrean:
nasterik barik, Erderea barik,
bakarrik eta uts utsean.
Salamankan
© Paulo Zamarripa
| anonimoak |
| mendeak |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |