Egile berarenak:
AMETS BAT SORTU ZEN
(2002)
ANAIAREN HERIOTZA
(2002)
ILUNDEGI
(2002)
ILUNALDIAK
Jabier Pikabea , 2002
Ilunago dira gauak:
euri-jasa larrietan,
haize-erauntsi gogorretan,
ilargi gabekoetan.
Ilunago, goiztiriak:
eguzkiaren estalietan,
ortziaren haserretan,
zeru hitsen negarretan.
Begiak ez dira argiago lausotan;
ez nekeak, arinago negarretan;
ez bareago, min-sastadak etsipenetan.
Egiozu ardora, ardora-argi.
zeure etsipenaren eroriari;
egiozu ipurtargi, bederik,
goibelduraren ilunari.
Goibeldurak ez baitira argiago:
itxaropen galduetan,
gogo-minen etsietan;
argiagoak dira, izan, beharrik!:
argi-muki apaletan,
txinpartargi aletan.
Egiozu ardora,
ardora-argi, beti,
zeure ilunari.
© Jabier Pikabea
| anonimoak |
| mendeak |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |