Egile berarenak:
TIROKATU NAUZU
(2007)
ESPERANTZETAN ZENBATU DITUGU TORTURA KASU GUZIAK
(2007)
BELFASTEKO ALANBRADEK ZULATU ZUTEN HIRIA GARA
(2007)
ORBAINEN MUGALARIA NAIZ
Fertxu Izquierdo , 2007
Orbainen mugalaria naiz.
Zaurien zaindaria.
Bila itzazue nire hatz-zantzuak
hilketaren lekuan,
ni, zauriak zeharkatuz mugituko naiz
orbainen mugetan barrena.
Atxilotzeko agindua zabalduko duzue,
zuhaitzak moztuko dituzue
baina besarkada hilen mendixketan
ezkutatuko naiz.
Eta inperfekzioen zaparrada azpian
burdin herdoilduen abestia konposatuko dut,
prostibuloen haragi gordinean dantza dezaten.
Atertzen ez diren egunetako gangster itzurtia naiz,
orbainen mugalaria, zaurien zaindaria.
Jarrai itzazue olerkietan utz dizkizuedan
hatz-zantzuak,
busti gaitezen inperfekzioen segadaz,
orbainen mapak irakur itzazue
eta etorri nire bila,
ni, zauriak zeharkatzeko prest nago.
© Fertxu Izquierdo
| anonimoak |
| mendeak |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |