ETA NIK?

        Mikel Etxaburu , 2011

eta zuk?

nik

    begiak batzen ditut

    hildakoen moduan

    urrunago ikusi nahi dudanean

eta zuk?

nik

    armiarmekin hitz egiten dut

    zoroen moduan

    bakarrik sentitzen naizenean

eta zuk?

nik

    barroteei gogor eusten diet

    herriminari moduan

    negar egin nahi dudanean

eta zuk?

nik

    aurpegia bustitzen dut

    katuen moduan

    itsasoagaz amets egin nahi dudanean

eta zuk?

nik

    burdinazko atea kolpatzen dut

    preso dagoenaren moduan

    ama oroitzen dudanean

eta nik?

nik

    begiak batuko ditut

    armiarmekin hitz egingo dut

    barroteei gogor eutsiko diet

    burdinazko atea kolpatuko dut

    koldarren moduan...

    zainak moztuko ditudan bakoitzean

© Mikel Etxaburu