Egile berarenak:
GORREN DANTZALEKUAN
(2013)
NAHIKOA SUFRITU DUDALA USTE DUT
(2013)
GORREN DANTZALEKUKO ISPILUETAN
(2013)
OROITZEN BADUT
Aritz Mutiozabal , 2013
Oroitzen badut ez naiz txori bihurtuko
eta itxaropena hobi komunetako
zabor izan zela esango dute hiztegiek
--Hemen hondakin bakarra zu zara!
eta giza irudi batek seinalatu egingo zaitu
hatz erakuslearen gainean
lotsaren zamari ezin eutsiz
Lehen ez zinen horrelakoa:
ez zeunden negatiboetan erreta,
super zortziak ziztatzerakoan jarri zenuen
aurpegi laua bezala
Zatitu papera eta bota airera
atzokoak ez du konponbiderik,
atzerapausorik ezin badut eman
flashback selektiboa
Birziklatu nahi dut, atez ate,
ene bihotza
zabortegitik jasota
© Aritz Mutiozabal
| anonimoak |
| mendeak |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |