GORREN DANTZALEKUKO ISPILUETAN

        Aritz Mutiozabal , 2013

Gorren dantzalekuko ispiluetan begiratzen naiz

bala zauriak zenbatzeko,

fusilatuen memorian

lotsaren zelairik ote dagoen galdezka,

damu arantzen zedarri bustietan

arnas beroak izenik gabe

erre zituztelako azalean sartzen ziren bizkarroiak

Gizakiak gorputz izateari utzi

gorpu izanda usteltzeko

Isiltasuna nagusitu da eztabaidaren belarrietan

gardentasuna oraindik koagulatzear da

© Aritz Mutiozabal