Egile berarenak:
MAHAI GAINEAN
(2000)
HIZKETARI UTZITA
(2000)
IHES EGIN ZIGUN TRENA
(2000)
ORAIN DENA ULERTZEN DUT
Juan Luis Zabala , 2000
Orain dena ulertzen dut.
Futbolaren balio soziologikoa,
eztei arranditsuen xarma hunkigarria,
motiborik gabeko alaitasun berbeneroaren arrakasta.
Material berdinez zamatutako kamioiak
autobidearen bi norabideetan.
Orain badakit zer den asteburua,
ezagutzen ditut absurduaren moldatzeko bere gela askotarikoak.
Badakit zergatik biltzen diren jendetzak.
Badakit, azkar eta zakar esateko, zertarako den Polizia.
Orain dena ulertzen dut.
Zubien gainean zeharkatzen ditut ibaiak.
Zabalik ditut edozer sentitzeko bideak.
Orain denak bat datoz
puzzle prosaiko honetako piezak oro.
Baina beti-beti hunkituko nau
beren bakarkako moldagaiztasun herrenari begira geratzeak.
© Juan Luis Zabala
| anonimoak |
| mendeak |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |