A

B

C

D

E

F

G

H

I

J

K

L

M

N

O

P

R

S

T

U

V

Z

armiarma   Egile berarenak:   NIK EZ DUT EZER EGIN       (2002) IZARA BERRIAK       (2002) GU IZAN GARA       (2002)   literaturaren zubitegia

HERIOTZA EZ DEN BESTE ZERBAIT         Gaizka Amondarain , 2002     Heriotza ez den beste zerbait nahi dut gaur gosaritarako Barruan dudan atzerritarra izan nahi dut berriro            jaioberritan bezala Negar egin, negar egin beldurrik gabe Eta heriotza ez den beste zerbait sentitu ferekatzen Taupadak eta unibertsoa kopa batean urtzen   Ez dut idatzitako hori guztia izan nahi Barruan dudana baino ez dut erakutsiko aurrerantzean Ez eskatu bisaia berririk Nik sortutakoak edozein kale izkinatan aurki ditzakezu Supermerkatu aurreko akordeoi-jolea naiz Horrelako egun batez hil zutena            beti kantu bera jotzen zuelako   Heriotza ez den beste zerbait nahi dut Udaberriak idatzitako manifestua            edo gidoirik gabeko filma Sortu dezadan amaiera gabeko istorio bat Eraman dezadan nirekin alde guztietara Eta amaiera heltzean asma dezadan nik neuk neurea   Badut atzerritar bat barruan inork ezagutzen ez duena Istorio bat daukana kontatzeko Munduko bazter guztiak ezagutzen ditu Pauso motelez ibiltzea gustatzen zaio Loak hartutako parajeetan unibertsoa xurgatzea   Ez daki ondoegi hitz egiten            atzerritarra baita, Baina utz ezazu momentu batez aske Eta ikusiko duzu nola estaltzen dituen itsaso guztiak belarrez   © Gaizka Amondarain

anonimoak mendeak 15 16 17 18 19 20 21 poemen aurkibide alfabetikoa