DENBORA KAPSULA BATEAN

        Paloma Rodriguez-Miñambres , 2019

Seme-alabok identifikatu genituen gezurrak:

7 urterekin

prometitu ziguten printzesaren mozorro distiragarria

eta nebari bakeroarena.

8 urterekin

hondartzara egingo genuen

bidaia.

9 urterekin

denda garesti hartatik etxeratuko genuen

soinekoa.

10 urterekin

gelakideek zuten

Barbie huraxe erosiko zigutela.

11 urterekin

ospatuko genuen urtebetetzea

sasi-luxuzko jatetxe batean.

Reconversión industrialeko obrero baten seme-alabok

zenbatetan madarikatu genituen bi hitz horiek.

Kontatu zizkiguten

lehenengo gezur konprenigarriak eta dolugarriak,

gezur azkenduak,

izan ginen haurrarentzat

amultsuak baina.

© Paloma Rodriguez-Miñambres