ABCDEFGHIJKLMNOPRSTUVZ


armiarma

 

Egile berarenak:

 

OHEA
      (1919)

UDAZKEN
      (1926)

BULTZI-LEIHOTIK
      (1929)

URTE-GIROAK ENE BEGIAN
      (1930)

PARISKO TXOLARREA
      (1930)

EUSKO BIDAZTIARENA
      (1931)

ASABA ZAHARREN BARATZA
      (1931)

IZOTZ-ONDOKO EGUZKI
      (1931)

ETXEKO KEA
      (1932)

  literaturaren zubitegia  

 

 


Hasierako orrialdera

 

 

NESKATX URDIN-JANTZIA

        Xabier Lizardi , 1927

 

 

Udaberri, uste ezik,

arki dut basoan.

Neskatxa da, ta urdiņez

yantzita ziyoan.

Urdiņa yazkia, ta

begia areago:

alakorik itsaso

barean ez dago.

 

Begi eder-goseok,

ase zakidate!,

iņon ezpaiditake

ederrik, au beste.

Mamia du nƒsian

oretua, iņolaz,

loreil-laņo goiztar ta

marrubi odolaz.

Arbazta igarrarena

bezin su zolia

Egun-ek biztu dio

yorik illedia.

 

Aren oņek ikutzen

ote dute lurra?

Ezetz diot: ezpaita

malgutu belarra.

Billuzik zan basoa

negu ondarrean,

neskatx urdin yantzia

bertara danean.

Zebillela, ats epel bat,

usaiez yoria,

dama; ta adar beltzetan

erne da bizia.

 

Orriz orri yazten da

basoa, gozoro...

Bakan-bakanka, lˆnen...

Sarri-sarri, gero.

Eguzki itzulberriak

(maitari goiztarrak)

munkatu du basoa,

(munkatu senarrak)...

Emazte ezkonberria

dala uste basoa...

Aren dardar emea...

Aren par gozoa!

 

Ustez, buru gaņean

gaua dut, argia,

amaika izar urdiņen

dirdirak yosia...

Ustez, ur orlegiak

nituan oņean,

izarrok ziralarik

islatzen urean...

Gezur amesgarria,

lillurak sortua!

Goien urdiņa nuan,

ostoak xˆtua;

bˆan, berriz, urrezko

yarioz argiak

belarrean oi ditun

begibil zoliak.

Marmarra dabil goien,

ezin daikezuna

ots ezti dan igerri,

ala ixiltasuna.

Bat-batez, eun txoriek

eztarriak eten,

ta aberaski zabala

bitxiz yantzi zuten...

 

Egun-eunez yantzia

berrikusi naiez,

bira ditut begiak,

bira, baņa... iņon ez!

Non da, non da sorgiņa,

basoak maitea?

Begiaz dut, alperrik,

yo aren bidea.

Yoana zan... Yoana,

neri, biotzean,

kezka-beldur eztia

yosi ondorean...

 

Maitetasun azia:

ene udaberria:

neskatx tankerakoa

ta urdiņez yantzia!...

 

© Xabier Lizardi    

anonimoak

 

mendeak
15
16
17
18
19
20
21

 

poemen
aurkibide
alfabetikoa