BEDEINKATUA

        Karmele Jaio , 2015

Izter artean

taupaka duzun

bihotz txikia

atzamarrekin

laztantzeko gogoari

eusten diozunean.

Beste emakume baten

bularra miazkatzeko ametsa

burutik berehala uxatzeko urgentzia

sentitzen duzunean.

Zure senarra ez den

beste baten zakilaren gogoa

eztul bortitz batekin

itotzen duzunean.

Orduan

bedeinkatua zara zu

andre guztien artean.

Orduan

esazu hitz bat

eta sendatuko naiz.

© Karmele Jaio