Egile berarenak:
KARLISTEN PANPARROIKERIAZ
(1874)
LUTXI
(1875)
ARRATS IZUGARRIA!
(1880)
VIVA ESPAÑA
(1898)
LOIOLAN
Serafin Baroja , XIX. mendea
Dizdiz eguna
berde mendia
ikusgarria
zera ederren urdintasuna!
Jantzi ta apainez
eginik gala
Paseoa dala
jai lehenengoen guzien gainez.
Zer ibilera!
Presaka janaz
zipoka edanaz
guziak goaz Loiola aldera.
Mordoska jendez
ibai bidea
damatxo ederrez
ta galai finez dena betea.
Oihu ta algara
segi bidean
ta galdetzean
nora zoazte? -Gu, Loiolara!
Artsalde epelan
goitik beheti
jendea beti
kotxean, oinez edo txanelan.
Bere txortenan
lore gozoak
atzo jaioak
loreak ere bihotz barrenan.
Loiolan gera
zer alegria!
Mundu guzia
banatutzen da merendatzera.
Hauek muinoan
haiek zelaian
lur edo mahaian
ta Urumearen bazter ondoan.
Ta jan ta gero
irrits ta dantza
edo eskudantza
quiz la polka, quiz el bolero.
Harturik txanda
nehin danbolina
bada dantz fina
plazan erdian herriko banda.
Oraindik korrika
nahi dan fortuna:
hemen ttunttuna
hor txarrabeta ta han filarmonika.
Saltzaile pilak
gehitatikan
eskainirikan
hemen opilak han erroskilak.
Arrats ordua
fresko samarra
ilunabarra
aurrerantzean da haserretua.
Birigarrua
zuhaitzen goian
igela idoian
biak esanaz beren kantua.
Bai ere oilarrak...
adi zazute:
zer esan dute?
Etorri bihar, donostiarrak.
© Serafin Baroja
| anonimoak |
| mendeak |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |