Egile berarenak:
ADIXKIDE IXILA
(2008)
DANTZA ZUK ERE
(2008)
KONKOLOTX
(2008)
SAGARRONDO ZAHARRA
Peio Jorajuria , 2008
Mihuraz beztitu da
sagarrondo xaharra.
Zoin den ederra
ferdez xingolaturik,
dio haurrak.
Zoin den triste
bihotza karruxkaturik,
dio aitatxik.
Gizartearen idurikoa dugu,
girgileriaz apaindurik,
gaizo sagarrondo zaharra,
hazkurriaz hustua.
Akabo fruituak,
akabo larrazkenean
supazter xokoan
xurrupatzen ginuen
sagarno gozoa,
padera barneko gaztainen
zirtakoen musika
atsegingarriaren konpainian.
Xoriak kantuz daude
sagarrondo xaharraren gainean,
dio haurrak.
Sagarrondo xaharraren tristezia
eztitzen du xoriaren kantuak,
dio aitatxik,
bainan ere mihuraren hazia
abartxoetan finkatzen du
xoriaren inoxentziak.
Egunak gaua sortzen,
ilunak argia agurtzen,
munduaren lege zaharra.
© Peio Jorajuria
| anonimoak |
| mendeak |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |