KONKOLOTX

        Peio Jorajuria , 2008

Murruko harrien artean

badabila sumandila

xilo eta konkorretan

sar-ateraka.

Etxeko gatu beltza

dago barrandan

geldi geldia

begitartea erne.

Bat-batean —brixt!—

batek jauzi, bertzeak ihes

sumandil buztangabea

xilo barnera doa.

Gatuaren haztaparretan

gelditu zaio buztana

azken dantza batean

kurubilkaka.

Milurte xaharraren azken

uztarrak.

Milurte berria

aitzina doa

xilo ta konkorretan gaindi

—leize ta gailur,

ilunpe ta argialdi—

Hirugarren milurtea.

Eta gu denak

bere bizkar gainean

kinkili-kankala

konkolotx.

© Peio Jorajuria