Egile berarenak:
HILBERRIKO IZPIRITUA
(1999)
ITZALAREN SAKONEAN
(2001)
IBAIAN BEHERA
(2003)
PROUSTITUTA
(2003)
DEUSEZA, ELIKAGAI
(2010)
OTEIZAREN EBANJELIOTIK
(2010)
HUTSUNEAREN HATSA
(2010)
CREDO IN LUCEM AETERNAM
Pello Otxoteko , 2010
(Juan Kruz Igerabideren
poema batean oinarriturik).
Gaizkia ulertzen duen Jainko bat sinesten dut,
gaizkiaren sortzailea ere bera baita,
gizakia eta gaizkia desberdintzen ez dituelako.
Funtsean ezer ez dakien Jainko bat sinesten dut,
gizakiaren existentzia behar duena
bera nor den eta zertarako den ezagutzeko.
Jainko bateratzaile bat sinesten dut,
arrazoia eta sentimenduak bereizten dituen pareta zaharrik gabe
biak ala biak zelai berberean haziko dituen Jainkoa.
Errealitateari zentzua emango dion Jainko bat sinesten dut,
egiaren indarrak bultzaturik, pozaren malkoak ureztaturik
eta maitasunaren arnasak haize emanez
mundua aurrera atera dadin nahi duen Jainkoa.
Eta piztu ez zen Jainko bat sinesten dut,
argia bera dena, inoiz itzaltzen ez dena,
eta berpiztearen beharrik ez duena.
© Pello Otxoteko
| anonimoak |
| mendeak |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |