BASAMORTUKO BIDEA

        Ivan Igartua , 2006

Hots egin zenidanean joan nintzen zure bila

Euri hotsa ari zen autoaren gainean kolpeka

Gaua zetorkigun inoiz baino arinago gainera

Hots egin zenidalako joan nintzen zure bila

Hiriko kaleek basamortu hutsa ziruditen

Ahaleginak egin nituen bidea ez galtzen

Baina tristezia ari zitzaidan barneak jaten

Hiriko kaleek basamortua baitziruditen

Etxerako bidea hartu nuen handik gutxira

Euria ari zen nire tristeziarekin nahasten

Esandako tokian aurkitu ez zintudalako

etxerako bidea hartu nuen handik gutxira

© Ivan Igartua