Egile berarenak:
BASAMORTUKO BIDEA
(2006)
UNREAL CITY
(2006)
GARRAIO PUBLIKOETAN GALDUTAKO AUKERAK
(2006)
OROITARRIA
(2006)
HERIOTZA ETA IDEIAK
(2006)
COLOPHON
(2006)
LEHENGOA EZ ZEN ASKI
Ivan Igartua , 2006
sustancia y fundamento de nuestra libertad
más allá de los límites estrechos de la muerte.
Jaime Gil de Biedma
Baina ideiengatik erahiltzen duena
atzetik badatorkizu kaleetan zehar
eta kolokan jartzen baditu
zure duintasuna eta zure libertatea,
orduan ez zara ideiengatik hilko
bizitza ez duzu ideien truk emango,
gizatasunaren alde baizik, zeurearen
eta beste guztionaren alde,
ideiengatik hiltzen dutenen kontra.
Artean ere gauza anitz
galdetuko dizkiozu zeure buruari,
beldurraren bakardadeari
eta bakardadearen beldurrari
tinko aurre egin baino lehen.
Lupeko hezea dastatu orduko
zerbait piztuko da zure barnean
argizko oroitarri gisa. Azken
arnasestua ahitu aurretik
dena konprenituko duzu. Izan ere,
gizatasunik gabe zertarako mundu hau.
© Ivan Igartua
| anonimoak |
| mendeak |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |