AMETS URDIN

        Iokin Zaitegi , 1946

Noizik bein, ametsetan,

ugarte-bakaldun

naizela oi dirudit,

aberritik urrun.

Orrobia-itsasoan,

ilargiak dirdai:

gauak garden, atxonez

ematen du aznai.

Suarrosto usaitan,

eguratsa loa;

baso ertza mizkatzen

ari da itsasoa.

Eskudel gain etzanik,

ametsetan sorgor;

nire biotz barnera

atsegina dator.

Artean, ilargitan

argiune barna

nire adiskidea

dabil arat-ona.

Ta palmondo itzalpean

bera bada, leoi

bat, beraren inguru

datza eskurakoi.

© Iokin Zaitegi