A

B

C

D

E

F

G

H

I

J

K

L

M

N

O

P

R

S

T

U

V

Z

armiarma   Egile berarenak:   MAITASUNEZKO ARKEOLOGIAK       (1988) THE MAN I KNOW       (1988) IGANDE EURITSUA       (1988)   literaturaren zubitegia

SALZBURGO, 1986-EKO URRIA         Maria Jose Kerejeta , 1988     Goizeko zazpi t'erdiak dira eta ni kafea hartzen ari naiz geltokiaren aurrez aurre eserita, eta eserita halaber kafetegi honen kristalak ikusten uzten didan munduaren zati murriztu hori baino zerbait handiagoren aurrez-aurre. Zazpiak eta hogeita hamaiketan inoiz orrialde batean idazten ez den eta hitzak eta oroimenak uxatzen dituen zer horren buruz-buru jarraitzen dut, geldirik.   Agian, gure burmuinaren zoko bakartietan bakarrik aipatzen den atken-muturra da: maiz atzean amildegia dago, zenbaitetan, doi-doi iragarria; izan ere, zenbat kafe, haurrak armairuetan gordetzen dituzten hiri arrotz hauetan. Zazpiak eta hogeita hamabi, begira nago nola aldegiten duen nik hartuko ez dudan tren batek, eta inoiz gehiago nerea izango ez den bizitzak. Beste bizi batzuk, beste garai batzuk ditut gogoan, eta badakit egunen batean bidegabeko irudituko zaidala guzti hau, —urruna, norabidea ezagutzen ez dudan beste bizitza hori eraikitzen ari naizen nobela hau baino askozaz hobea— ukatua izan zitzaidan orori begira, zazpiak eta hogeita hamairutan.   © Maria Jose Kerejeta

anonimoak mendeak 15 16 17 18 19 20 21 poemen aurkibide alfabetikoa