A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

  literaturaren zubitegia  

 

ZURE LIBERTATEA AMESTU NAHI DUT

        Mikel Ibarguren , 1996

 

 

Zure libertatea amestu nahi dut

Orain zu maitatzeko froga-agiririk behar ez dudanean

Isilean maite zaitut abisu eman gabe

Gogo herrari honekin esku berridatziokin

Zuretzat gordeak ditut aditz imitaezin guztiak

Apiril eta irail oraindik sortugabeak

Handik nator eta harantz noa

Zuk eta nik dakigu bakarrik

Leku bat bilatu nahi dut zure biziaro bakoitzean

Nahi zaitut gauaren arartekotasunik gabe biluzik eta huts nagoenean

Lohiri desabitatua da tristezia hau

Eta buztinezko mina dut bihotzean

Zure ezpainak berretsiko nituzke behin eta berriz

Oilarite berriak ohereskatu nahi dizkizut oinuts zaitzaten

Nonahizaterik gabeak gara ordea gu

Eta ostertz honez haraindi zaude beti

Itxaroan

 

Beste zerurik baden galdetzen dut

Baden berriemailerik begi herriminduetan

Izan ginen behiala baina zure loa behar dut nirearen ondoan

Ene eskuak apatridak dira orain

 

© Mikel Ibarguren    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko