Egile berarenak:
ZURRUNBILOA
(2001)
HAN DENA ERRAZAGOA DA BETI
(2001)
ORBEL ZAKU BAT
(2003)
HASTAPENA
(2010)
PUEBLO
(2010)
LIBRE IZATEA ("Y" BELAUNALDIA)
(2010)
LAU POST-IT 21. MENDEAN
POEMA LIBURU BAT IDAZTEKO
(2010)
NIRE ETXEA
(2010)
HAUTU TXIKIAK BIDEA EGITEN DU
Jon Benito , 2001
Badira ordu batzuk noraezean gabiltzala
erreferentzia guztiak galdu ditugu
eta intuizioa dugu iparrorratz bakar
baina ekibokatua
Etsi dugu ia
apur bat hitz egin dugu zoriaz eta ezbeharraz
Kontu sakonak bururatu zaizkigu
antzinako batailez oroitu gara
bibliografia zaharrak kontsultatzen diren eran
eta begiak non bildu bilatzen egon gara
Urdaila nekez eta bakardadez bete zaigu
bidegurutzera iritsi arte
Bidegurutzean ohiko zalantzak
Sua antzeman dugu aurrerago
Argia
Egoera normal batean
edonork ihes egingo luke sutatik
Hemen ez
orain ez
Hautuak galera dakar beti berarekin
Bide zuzenik ez da jada
baina egina dugu bidea
Merkatuak salbu
bidegurutzetan ezin da etxerik jaso
ezin da beti bidegurutzean iraun
Aurrera egin ahala argia galdu dugu
inon ez da kerik
Ez diogu elkarri aitzakiarik jarri nahi izan
ixilik goaz
Inoiz baino lurtarrago eta zurtzago sentitu gara
© Jon Benito
| anonimoak |
| mendeak |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |