ABCDEFGHIJKLMNOPRSTUVZ


armiarma

 

Egile berarenak:

 

INFINITUAREN ZATIAK
      (1999)

TXEKOSLOVAKIA
      (1999)

LARUNBAT ARRATSALDEA
      (1999)

BILBO
      (1999)

BELDURRAREN KAFEA
      (2005)

PENTSAMENDUAK NEGUKO LOREAK DIRA
      (2005)

BASURDE BURU DISEKATUAK
      (2005)

  literaturaren zubitegia  

 

 


Hasierako orrialdera

 

 

BIZIKLETA BAT EGINGO DUT ZURE IZENAREKIN

        Martin Etxeberria , 2005

 

 

bizikleta bat egingo dut

zure izenarekin,

Larraitz

 

guzti hau pasa,

gauak arratsaren bidea topatu

eta berriz

oinez ibiltzen asmatzen dudanean

 

ez dakit

zilborra hautsi gabe izango dudan

ordurako

 

zure titiek

esnea izango duten oraindik

 

arrainek kafea edaten

ikasiko ote duten

 

edota zentzurik izango duen

maite zaitudala

esateak

 

baina horrela dira gauzak

esaldi inozoz

betetako bizitzan

 

oraingoz

zure masailak alferrik bataiatzen

jarraitu beharko dut

fede gutxiz

 

mahatsari ardoa ukatuz

 

inork jan nahi ez duen

platertxoko azken oliba sentituz

 

guzti hau pasatzen denean

beharko du

 

bizikleta bar egingo dut

zure izenarekin orduan

eta poliki abiatuko naiz

gauetik arratserako bidean

 

ibai bat egongo da bertan,

txakolin zuriz egina

 

eta han topatuko zaitut beharbada,

oinez,

 

bakarrik

 

eta uzten badidazu,

gure patriketako harriak hartu

eta

lehen bezala

ura

borobila bihurtuko dugu

 

© Martin Etxeberria    

anonimoak

 

mendeak
15
16
17
18
19
20
21

 

poemen
aurkibide
alfabetikoa