ABCDEFGHIJKLMNOPRSTUVZ


armiarma

 

Egile berarenak:

 

HAUTSEZKO BASOAK, LUR OSKOLDUNAK
      (2007)

HEMEN IZANEN BAZINA
      (2007)

ZURRUNBILOKA ITZULTZEN DIRA
      (2007)

HAIZE HEGOAREN AROAK
      (2007)

AMODIOZKO POEMA ESKAINIAK
      (2008)

EGUERDIA UQBAR-EN, ARRASTIRIA DONEZTEBEN
      (2008)

I WILL SING A LULLABY
      (2008)

DE DREIT NIEN
      (2008)

FRONTOI ONDOKO KABINA
      (2008)

FRANKOTIRATZAILEAREN ARNASA
      (2009)

PEARL HARBORen ABESTIA
      (2009)

GELTOKI BAT SIBERIAN
      (2009)

TOUS LES DIRECTIONS
      (2009)

  literaturaren zubitegia  

 

 


Hasierako orrialdera

 

 

ELURRA ARITUKO BALU

        Luis Garde , 2007

 

 

Elurra arituko balu

lurrak gure aztarnaren memoria gordeko luke.

Lurra, listua, gure jakak, buztinezkoak dira.

Argazki sepiaren argia du egunak.

Noren behatzek eusten diote?

 

Ilaran isilik goaz; ahoak irekita.

Hauts gorria: zintzurra jaten digun xori hotza.

Gaueko abelbide guztietan zehar ibili gara arnasestuka.

Ederrak eta hitsak izan gara batzuetan,

bertze batzuetan itsuki ankerrak.

Beldur zuria hartzitu zen ilunean.

Bihotzetako kaxoi itxietan

nork bere giltza.

Goizeko lehenengo distirak

aurpegiak itzuli zizkigun;

geure buruarekiko errekonziliaziotzat hartu genuen.

 

Etxeratuko gara irabazle

ezpainetako hauts gorria kendu ezinik.

Etxeko sua hauts gorri berberaz amataturik aurkituta

ez dugu berriz piztuko.

Hala erran ziguten.

Hala arituko gara.

Hala bedi.

 

© Luis Garde    

anonimoak

 

mendeak
15
16
17
18
19
20
21

 

poemen
aurkibide
alfabetikoa