ABCDEFGHIJKLMNOPRSTUVZ


armiarma

 

Egile berarenak:

 

HAUTSEZKO BASOAK, LUR OSKOLDUNAK
      (2007)

ELURRA ARITUKO BALU
      (2007)

HEMEN IZANEN BAZINA
      (2007)

ZURRUNBILOKA ITZULTZEN DIRA
      (2007)

HAIZE HEGOAREN AROAK
      (2007)

AMODIOZKO POEMA ESKAINIAK
      (2008)

EGUERDIA UQBAR-EN, ARRASTIRIA DONEZTEBEN
      (2008)

I WILL SING A LULLABY
      (2008)

DE DREIT NIEN
      (2008)

FRONTOI ONDOKO KABINA
      (2008)

FRANKOTIRATZAILEAREN ARNASA
      (2009)

GELTOKI BAT SIBERIAN
      (2009)

TOUS LES DIRECTIONS
      (2009)

  literaturaren zubitegia  

 

 


Hasierako orrialdera

 

 

PEARL HARBORen ABESTIA

        Luis Garde , 2009

 

 

I
 


Telebistaren bazter batetik
hegazkinen burrunba urruntzen da,
zeru aratzetik
eguzkiak gerraontzien hondar bihurrituak
epeltzen ditu:
hau Pearl Harbor da.
Pearl Harbor-en abestia.

Inork ulertu ez zuen nire abesti bat
Pearl Harbor-ena izan zen;
beharbada inork ez ulertzeko eran
idazten den horietakoa zelakoz,
hain zuzen <> zeritzona.
Hiru minutuz
pianoaren akorde-segida kaotikoa,
bateria eta kitarrak, zein bere kabuz;
sarrera basati hau bukatzean
Joana bakarlari sartzen zen
garai batean kontu handiz zigortzen zuen
ahots urtsu eta urratu harekin,
entzungailuen ezker aldetik,
guretako norberaren etorkizunetik baletor bezala:


<sarritan herriko izena galdetu gabe.
Erne egon,
haietako batek Pearl Harbor izena du.
Neurrirako Pearl Harbor bat zain dago beti;
eguzki atera berriak
itsasontzien hondarrak,
zure azalaren metalak
epelduko ditu Pearl Harbor-en,
Pearl Harbor-en goiz batean,
Pearl Harbor-en...>>

 
Inork ez zuen loturarik ikusi nahi izan;
Pearl Harbor
hala ere
edonoiz gerta daiteke.

 

 

II


Kafealdi bat nahikoa da,
bat-bateko burrunba,
zerua legez kontrako eraikitako hotel baten gisan
buruaren gainerat erortzen zaigu,
aurreabisurik edo anestesiarik gabe;
amultsuki fondeaturiko hegazkin-ontzi lotiak
zulatzen dituzte hitz bakan batzuek.
Eta kafea ordaintzerakoan
ez gara duela bortz-hamar minutu ginen haiek.
Hau da, orekari eusten zutitzen gara,
kontua ordaintzea atzendu gabe,
geure oinez kaleratzen gara
ikusleek edota kafekideak
une horretan berriz ibiltzen ikasten ari garela
sumatu ez dutelarik.

 

© Luis Garde    

anonimoak

 

mendeak
15
16
17
18
19
20
21

 

poemen
aurkibide
alfabetikoa