ABCDEFGHIJKLMNOPRSTUVZ


armiarma

 

Egile berarenak:

 

HAUTSEZKO BASOAK, LUR OSKOLDUNAK
      (2007)

ELURRA ARITUKO BALU
      (2007)

HEMEN IZANEN BAZINA
      (2007)

ZURRUNBILOKA ITZULTZEN DIRA
      (2007)

HAIZE HEGOAREN AROAK
      (2007)

AMODIOZKO POEMA ESKAINIAK
      (2008)

EGUERDIA UQBAR-EN, ARRASTIRIA DONEZTEBEN
      (2008)

I WILL SING A LULLABY
      (2008)

DE DREIT NIEN
      (2008)

FRONTOI ONDOKO KABINA
      (2008)

PEARL HARBORen ABESTIA
      (2009)

GELTOKI BAT SIBERIAN
      (2009)

TOUS LES DIRECTIONS
      (2009)

  literaturaren zubitegia  

 

 


Hasierako orrialdera

 

 

FRANKOTIRATZAILEAREN ARNASA

        Luis Garde , 2009

 

 

Filmaren hasieran
ofizial alemaniarrak erran du,
edo erran zezakeen
(filma frantsesez eman zuten,
nik ez dakit frantsesez),
Stalingradoko gau izoztuetan
frankotiratzaile partisanoek
ezkutalekuetan zain daudenean
arnasar¡ eusten diotela,
etsaiek beren kokapena asma ez dezaten
arnasaren lurrina ikusita.

Telebista itzali ondoren
etxolatik kanpo iluntzean erretzen egon naiz,
euripean begira
nola zigarretak bustiz eta deseginez zihoazen.

Neure buruarekin jostatzen ibili naiz
arnasa askatzean.
Eutsi, bota, eutsi, bota,
Zuberoko lanbropean lurrin-seinaleak egiten
etorkizunetik nire oraingo kokalekua
bilatu beharko banu ere.
Gaueko harrizko azalean nire markak uzten
etorkizunetn gauzak hobera joanen ez balira ere.
Hatsaren bengalekin nire posizioa seinalatuz,
gaurko koordenadak markatuz
inork beharko banindu ere.

Arriskuak arrisku
partisano frankotiratzaile honek
euripean arnasaz
bere kokapenaren lekukotasuna sinatzen du.
Gizakiak haren igarotzearen zantzua uztea atsegin du-eta:
liburuen orrietan kearen usaina eta errautsaren kolorea,
hatz-aztarnak binilozko diskoen ildoetan,
garagardo botilen etiketetan azazkalek egindako zauriak,
teilatupeetako habien hondarrak atar¡ ondoko espaloian.

Frankotiratzailearen arnasaren jokoa
dei diezaiogun,
eta baita zelatari begira dagoen
jazarle alemaniarrarena ere.

 

© Luis Garde    

anonimoak

 

mendeak
15
16
17
18
19
20
21

 

poemen
aurkibide
alfabetikoa