ABCDEFGHIJKLMNOPRSTUVZ


armiarma

 

Egile berarenak:

 

ASPALDI HONETAN
      (1994)

ETXEORRATZEK
      (1994)

BIHAR EURIA EGITEN BADU
      (1994)

ZER ZOR DIEZAIOKET
      (1994)

KATUEN AUTOPSIA
      (2007)

KEAREN ANATOMIA
      (2007)

NEKEA
      (2007)

ZALDIAREN BURUSI KISKALIA
      (2007)

KOADRO IZOZTU HONETATIK
      (2010)

ZIBILIZAZIOEN BISAIA DUTE
      (2010)

EZ DUT ULERTZEN ZERGATIK
      (2010)

GALDETU AL DIZU INORK NITAZ
      (2010)

  literaturaren zubitegia  

 

 


Hasierako orrialdera

 

 

GERRA GARAIAK IZAN ZIREN BEZALA

        Asier Serrano , 2010

 

 

Gerra garaiak izan ziren bezala
hemen izan ziren bake garaiak ere.
Jendea berdin aspertzen zen igande arratsetan,
bikotekidearen bainilazko izozkia nola urtzen zen begira.
Etxe aseguruak anuntziatzen zituzten afixaz zeuden blindatuak
geltoki finkorik gabeko autobusak.
Balkoietan izara zuriak eskegitzen ziren lehortzeko,
eta zer gerta ere, banderak lixibaz garbitzen.
Debekatutako ekintzen zerrenda bat bazegoen,
nahiz inork ez zuen dekretu osoa buruz ikasteko pazientziarik izan.
Ez zen baimen berezirik behar
apur bat suizidatzea erabakitzen bazenuen.
Nekezagoa zen lanetik itzultzea lanera joatea baino.
Zakurrek ez zituzten beraien kakak jasotzen,
eta larrua beti ilunpean jotzen zen.
Egun argiz errezatzen zitzaien katedraleko usoei.
Ogi beltza prezio berdinean egosten zen labe publikoetan.
Zebrabideek ez zeukaten ez garai batean ez bestean
inongo zentzurik ez norabiderik.
Eta inor ez zen ausartzen
larrialdietarako zenbakia markatu ondoan
bigarren tonua jo arte itxoiten,
nahiz denek zekiten
inork ez zuela bestaldeko telefonoa hartuko.

Badakit,
kontua ez da
gerra garaiak edo bake garaiak oroitzea,
kontua da
ahaztu egin zaigula noiztik bizirauten dugun
bake armatuaren garai hauetan.

 

© Asier Serrano    

anonimoak

 

mendeak
15
16
17
18
19
20
21

 

poemen
aurkibide
alfabetikoa