DEUSEZA, ELIKAGAI

        Pello Otxoteko , 2010

Zarataren zama

ezin zabaldurik,

zokoraturik nauka

zorotasunezko zentzuan.

Hots-uhinak ez omen dira sekula geratzen

sentituko dituen oztopoa aurkitu arte.

Inon geratu ezean, infiniturantz dihardute.

Nora doaz bada gure gogoeten uhinak?

Gogoetak hitzen bidez husten dira.

Inork entzun ezean, deusezean barreiatzen dira.

Eta ezereza

hitz goxo eta ederrez

erabat beteta dago.

Edan deuseza

ezerezaz asetzeko!

© Pello Otxoteko