GALEREN HEGOALDEA

        Mikel Ibarguren , 2011

enarekin batera joan zitzaizun poz hura

itzuliko ote den ez dakizu

ez duzu gehiago kalezuloan luzetsita egon nahi

inoren ohean lorik hartu ezinda maitatzeke egon nahi

hegoaldera nahi duzu iparra galdu gabe

aldi hutsalen agortea zeharkatuz

lagun ahantzien arrastoak berrituz

egun honen atzetik beste bat etorriko dela jakitun

gure arteko erretena neurtuko duena

beste gutasun bat sortuko duena

jende bat munduz osatua

mundu bat jendez osatua

iparra galdu gabe hegoaldera nahi duzu

aldizka arrats beheran egin

egunero berritzen den bizinahiaz gailendurik

egiten duzu betiko norantzan

eroriaren logikatik zutik jartzeko logikara

garaion testigantza oharretan iltzatuz

galdutako guztia galdua ei dago

bihotzondoetan bildutako galerekin zoaz

baina betiko bidean zara

azkarrago edo motelago baina bidean

edonora gabe seguruenik

inora iristeko asmorik gabe

iparra galdu gabe baina bidean

zurea den bidean hegoaldera

© Mikel Ibarguren