A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

GORPUTZ HONETAN
      (2009)

SORO BAT GIBELEAN
      (2009)

JOSE PEREA PINTOREAREKIN BART GAUEAN
      (2009)

IHES EGINGO DUZU
      (2009)

LUR HAU
      (2013)

FABRIKA ZAHAR BAT DA IRAGANA
      (2013)

BRUSELA EZ DA EXISTITZEN
      (2013)

SAMURTASUN POLITIKO BAT
      (2013)

ERRAZKERIAK
      (2013)

PATIOKO EMAKUMEA
      (2013)

  literaturaren zubitegia  

 

BRIGADISTA

        Oier Guillan , 2009

 

 

telefonoak urrunera jaurti ditu bonbak

lekuz kanpo dagoen anabasak

hatz urratuekin zenbatu ditu

betazalak galdu dituzten gorpuak

 

bere ahotsa jaso dugunean

negarretan hasi zaigu odola

poesia ari du hemen baina ezin diogu esan

bizitza oroitzapen baten bazterrean hazten da

 

azken egunera arte iraun eta gero

tankeen ertzetik egin du ihes

zertarako jakin gabe

basamortuko hotza eztarritik kendu ezinik

 

bonbardaketek gezurra astindu duten bitartean

gauero hunkiturik bildu naiz

hautsak ozpindu dit arnasa

burmuinaren uhinetan

 

isilpean gorde dut berarekin han egoteko gogoa

ezusteko inbidia arraroa:

beldurra diot ausardiari baina ments dut

koherentziaren pozoia

 

itzuliko da inoiz

ekialdeko hiri erraustuetan itzala hilzorian utzirik

mendebaldeko autopistetan

auto-gezurren zama sentitzeko kemenez

 

teatroa ari duelako

egiaren ostarteetan

 

© Oier Guillan    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko