GENESIS

        Felipe Juaristi , 1986

Desioa haragia bihurtu zen

eta hantxe bizi izan ginen supitoki.

Jainkoaren indarrak egin gintuen gogorrak

Jasan genituen kanpokoen                     erasoak,

                     enbidiosoen gezurrak,

asperrari ere aurre eginez gu bion

gorputzen gazteluko ahalmenen atzean

Atzerrian lortutako aberastasunean ez dago zuzenik,

geurea dena aldarrikatzean ez harrokeriarik.

Bakarrik gure begiek ikuitzen dutenaren jabe gara,

gure irribarreak altxatzen duenaz,

ezpain batetik besterainoko munduaz.

© Felipe Juaristi