DENA DAGO AURPEGIAN

        Felipe Juaristi , 2004

Dena dago aurpegian,

infinitua eta finitua

ikusgarria eta ikusezina,

eskuragarria eta eskuragaitza,

maitatua eta gorrotatua,

herri bata eta herri bestea,

itsasoa,

itomena,

hondora joatea,

gorputzen zatikatzea,

planeten aurkikuntza,

patuaren azpijokoa,

munduaren erokeria,

euriaren arrastoak

luzatzen eta laburtzen,

atomoen leherketa,

trenen txikizioa,

dado-emanaldia.

Dena dago zure aurpegian;

zu zaude, eta ni.

© Felipe Juaristi