IRAUNKORRA

        Josetxo Azkona , 2009

Laburra,

laburra da itxaropena

euskaldunen etxean.

Estua,

estua da oso

esperantzari zabaldutako leihoa.

Luzea, luzea da

itxaropen ezak dakarren pena,

eta penak dakarren etsipena.

Itxaropenak, gehienetan,

erdia ustela duela esan ohi da.

Eta hemen ere halatsu.

Baina ez bakarrik erdia ustela.

Hemen, gehienetan, osoa da ustela.

Gizalegean bizitzeko ustea galduta,

etsipena gailendu zaio itxarobideari

euskaldunen etxean.

Itxaropenak berriro behea jo du

euskaldunen etxean.

© Josetxo Azkona