Egile berarenak:
HELDU ZAITUT LEIHOAN
(2002)
TABERNAK ATE BAKARRA ZEUKAN ARREN
(2002)
BASORA IHES EGIN ZUEN GIZON ILUNAK
(2002)
SOUVARIN IZENEKO MOSKUTARRA
(2002)
ZIRRIKITU BAT IZOZKAILUAN
(2007)
ZALDIAK AKATZEN DITUGU BA...
(2007)
ZALDIA HARAGI ETA OIHU EGIN DA ERDIZ
(2007)
BIHARKO EURI
(2011)
ARKUA ETA GEZIA
(2011)
HARIZKO JOLAS, HARRIZKO GEOGRAFIA ITSU
(2011)
JAKITEAK MIN. BARIAZIOAK
(2011)
HASIERAN ZALDIA IZAN ZEN
Aritz Gorrotxategi , 2007
Zaldiagatik hasiko naiz,
demagun egurrezkoa.
Zaldiagatik hasiko naiz,
begitara itzelezkoa.
Ipuin zaHar hau denok ezagutzen duzue:
bazen behin zaldi bat
egurrezkoa.
Istorio hau askotan entzun duzue:
bazen behin sabel bat
soldaduz betea.
Epeo feoziarraren aginduetara
Ilio zaharrean
letra larriz egina.
Baina nork hustu zuen zaldia?
Nork kendu zizkion soldadu puskak
egur moztuari?
Nork zizelkatu zituen
banan-banan eta mailuz
konkaduretan eskuziriak?
Nik esango dizuet
nork zabaldu zuen umetokian
herioren hutsune isila.
Begiratu nire eskuak...
Eta halaxe erakutsi zizkien bereak
Helenarik sekula ikusi gabeko ibiltariak.
Begiratu nire eskuak...
Egin zien oihu eztarri hotzak,
eta jarraitu zuen istorioak.
Zaldiagatik hasiko naiz,
demagun egurrezkoa.
Zaldiagatik hasiko naiz,
begitara itzelezkoa...
© Aritz Gorrotxategi
| anonimoak |
| mendeak |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |