Egile berarenak:
HELDU ZAITUT LEIHOAN
(2002)
TABERNAK ATE BAKARRA ZEUKAN ARREN
(2002)
BASORA IHES EGIN ZUEN GIZON ILUNAK
(2002)
SOUVARIN IZENEKO MOSKUTARRA
(2002)
HASIERAN ZALDIA IZAN ZEN
(2007)
ZIRRIKITU BAT IZOZKAILUAN
(2007)
ZALDIA HARAGI ETA OIHU EGIN DA ERDIZ
(2007)
BIHARKO EURI
(2011)
ARKUA ETA GEZIA
(2011)
HARIZKO JOLAS, HARRIZKO GEOGRAFIA ITSU
(2011)
JAKITEAK MIN. BARIAZIOAK
(2011)
ZALDIAK AKATZEN DITUGU BA...
Aritz Gorrotxategi , 2007
Harrizko zaldi hau,
euskal hiri, Euskal Herri...
Esan, zer daukazu sabelean?
Harrizko zaldi hau,
esan, zenbatean saltzen dituzu,
zenbatean Erosten
soldadu eta umeak...?
Zenbat trosta balio ditu
aitaren etxeak?
Nola defendatu eraikuntza,
nazionala bada,
batez ere, eraikuntza
hitzen bidez ez bada,
nola ordezkatu aitaren etxea
hari telefonikoen zuntza bada
zure bihotza?
Harrizko zaldi hau
label garesti bat da,
besterik ez.
Harrizko zaldi hau
negozio bat da,
zaldun gutxi batzuen eskutan
--beti berak.
Harrizko zaldi hau
aspaldi da hila
zaldun berdinen eskutan
abiadura handitan.
Ni ere
izan nintzen behin,
orain urte asko,
herria...
Baina nola maita orain
harrizko zaldi hau?
Ispiluan begiratuta,
denbora gutxian,
zaldia denean
ez taupada, ez arima
ez herria...
Zaldiak akatzen ditugu ba...
© Aritz Gorrotxategi
| anonimoak |
| mendeak |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |