Egile berarenak:
METRAILETEN MUGAK
(2008)
36 GRADU
(2008)
NESKAK
(2008)
ESANAK
(2008)
EZTA HAZIA EREITEKO ERE
(2012)
ATZERRIAREN HEDADURA
(2012)
BETAURREKO BERRIAK
(2012)
HAU EZ DA ALIANTZA TAKTIKOA
(2012)
GAURKO AFARIA
(2012)
HOGEITA BAT PROLETARIO
(2012)
PFAND
Hedoi Etxarte , 2008
Bekokian txertatzen den atzamarrak
ireki du atea.
ezpain-marra zebratuan
da alkandoraren
txekorra, behorraren ondoan ari da
hitza esan nahian
ahoa irekitzen
ordea, ez da soinurik zure
belarri-zuloetan
dezifra dezaketena baino ilunagoa zara
eta txekorrak eskuak sudurrean
miazkatzeko behar zuen soilik belarri-zuloa
eta prakatik atera den espadrilan
maitatu du beiradunak zuri-urdina
nola muntatzen dituzten botilak garagardo lantegietan
Berlingo txiroak
pfand ehiztari dira
Kürfurstendammeko paperontzietan
eta altxatzear zen umeari
berunezko harritzarra bota diozue
ortografia bezala: zurrun
goraino doan arteriak
zain-sortzaileak
daraman odol oldea geldituko du
ortografia
kiwiei hegaz ezin dutela
oroitarazten dien dohain-eza
piano-jotzaileei txarangarako baliagarriak ez direla
errepikatzen dien mehatxuzko araua
eta dena txantxa balitz
zubiak ibaiertza balira
urrundik begiratu nauen
ilehoriaren begiklixkada
neke-keinua balitz
titiak erortzen ari zaizkio
errepikatuko diozu orduan buruari
baina zer nahi duzu ba
titiak gaspuxika izatea?
inprobisazioa baino ikasiagorik ez da
askatasuna gidatzen duen legea baino mugatuagorik
ez da
gezurra baino karratu horiagoak
triangelu beltzak dira soilik
(barnean dutenean eguzki estilizatua)
© Hedoi Etxarte
| anonimoak |
| mendeak |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |